LAOAG CITY – Sumurok maysa a milyon nga estudiante ti Grade 11 ditoy pagilian ket marigatan ti reading comprehension wenno marigatan nga awaten dagiti basbasaenda basar iti report ti second Congressional Commission on Education (EDCOM 2).
Naammoan a rumrummuar iti naisayangkat a Senior High School literarcy assessment nga insayangkat ti Department of Education (DepEd) idi Marso 2026 a ti 1.4 a milyon a Grade 11 nga estudiante ket 1.3 milyon ditoy ket adda ti problemana na awaten dagiti basbasaenna.
Inbatad ni Simoun Antonio Salinas ti Edcom 2 a 12 a porsiento laeng nga estudiante ti Grade 11 ti maikonkonsiderar nga “independent learner” wenno dagiti alisto a mangawat kadagiti basbasaenna.
Iti nasao a bilang ket maipagarup nga innem iti kada 10 nga estudiante iti adda iti “frustration level” wenno kababaan a puesto ti literacy no sadinno ket dandanin a saanda maawatan dagiti basbasaen dagitoy.
