LAOAG CITY – Mangnamnama ni House Trial Spokesperson ken House Assistant Minority Leader Rep. Renee Co a direkta a sungbatan ni VP Duterte ti linaon ti impeachment case ken saan nga agpokus kadagiti teknikalidad ken procedural issues.
Segun iti proseso, apaman a maisubmitir ni VP Duterte ti sungbatna, maikkan ti House Prosecution Team iti lima nga aldaw a mangipila iti sungbat a sarunuen daytoy ti pre-trial.
Manamnama a mangrugi ti impeachment trial inton Hulio 6, ngem segun ken ni Rep. Co, awan pay ti naawatda nga opisial a pakaammo manipud iti Senado mainaig iti nadakamat nga schedule.
Kabayatanna, impasigurado met ni Co a nakasagana ti House prosecution team a mangusig kadagiti ebidensia ken mangidatag kadagiti legal nga argumento a mangsuporta iti linaon dagiti articles of impeachment.
