LAOAG CITY – Kiniddaw ti legal team ni Sen. Jinggoy Estrada iti Sandiganbayan Fifth Division a mangig-iggem iti non-bailable plunder case ti senador tapno maiyakar iti Philippine National Police (PNP) Custodial Center iti Camp Crame.
Basar iti rekord ti korte ket nagpila ni Estrada ti mosyon tapno maiyakar iti detention facility idi Hunyo 2.
Makita pay iti rekord a napetsaan ti Hunyo 1 a nagpila ni Estrada ti urgent motion tapno mangikeddeng ti kantidad a mabalin na a pagpiyansa para iti temporaryo a pannakawaya-waya na kabayatan ti pannakaiproseso ti kaso na.
Manamnama a trataren ti korte nga idaulwan ni Associate Justice Zaldy Trespeses dagiti mosyon ni Estrada ita nga aldaw ti huwebes, Hunyo 4.
Ita metlaeng nga aldaw ti schedule ti arraignment ni Estrada, ken dagiti pada na nga akusado nga isuda dati a Public Works Secretary Manuel Bonoan, ken dadduma pay a dati nga opisyal ti Department of Public Works and Highways iti National Capital Region.
