LAOAG CITY –Naiget a naglikudan ni Senador Vicente ‘Tito’ Sotto III dagiti akusasion a nakaawat daytoy ti kickback manipud iti flood control project, ken inawaganna daytoy nga awan ti pagibasaran, politically motivated, ken paset ti mysa a bogus hearing.
Inpanagetget ni Sotto a saan daytoy a nagtakem kas Senador wenno opisial ti gobierno iti las-ud ti tawen 2022 agingga 2025 no sadinno a panawen a napasamak ti maipagarup a transaksion.
Naglikudanna pay dagiti alegasion a karaman ti dati nga executive assistant-na a ni Mark. Segun ken ni Sotto, daytoy ket pimmusayen iti pay laeng 2015.
