LAOAG CITY – Nagballigi ti naiyuswat nga Human Immunodeficiency Virus (HIV) symposium para kadagiti Special Program for Employment of Students (SPES) iti local a gobierno ditoy ciudad ti Laoag.
Segun kenni Ms. Shey Pia Abaya, ti mangidadaulo iti Public Employment Service Office (PESO) ditoy ciudad ti Laoag, naiget ti panangipaadal ti gobierno siudad ti pananglapped ti Human Immunodeficiency Virus (HIV) kadagiti agtutubo, kangrunaan na kadagiti Special Program for Employment of Students (SPES).
Kuna na nga iti babaen iti naisayangkat a symposium ket naipaadal kadagiti agtutubo dagiti wagas tapno malapdan ken maliklikan ti Human Immunodeficiency Virus.
Innayon na a naisuro pay kadagiti nakipaset iti seminar ti naan-anay a panangsalwad ti salun-at.
Mainaig iti daytoy, inpakaammo ni Abaya a karaman kadagiti nakipapaset iti aktibidad ti City Health Office ken Karmelli Clinic and Hospital a nangipaay ti adal mainaig iti nasao a sakit kadagiti agtutubo.
