LAOAG CITY – Agtungpal a dagus ti Philippine National Police (PNP) iti pammilin ti Sandiganbayan Fifth Division nga isubli iti PNP General Hospital ni dati a Department of Public Works and Highways (DPWH) secretary Manuel Bonoan.
Inbatad ni Philippine National Police chief Gen. Jose Melencio Nartatez Jr., a naiget nga ipatungpal da ti nasao a pammilin ti korte.
Inpasigurado met ni Nartatez a naiget ti aramiden a panagbantay dagiti otoridad iti dati a sekretaryo.
Maipalagip nga inaprubaranen ti Sandiganbayan ti kiddaw ni Bonoan nga hospital arrest gapu iti panagngato ti blood pressure na nga immabot iti 192/100.
Immuna iti daytoy, naiyakar ni Bonoan iti maysa a pribado nga ospital gapu ta kasapulan ti naiget a pannakaeksamen ti salun-at da.
