LAOAG CITY – Napatawan ti lifetime ban ti maysa nga NBA fan kalpasan a bigla a nagtaray a napan iti hardcourt tapno maka-selfie ken ni San Antonio Spurs star Victor Wembanyama.
Napasamak daytoy iti 4th quarter ti Game 1 isut gapuna nga agpagapaman a naisardeng ti ay-ayam.
Dagus met a napapanaw ti fan iti Frost Bank Center, ti homecourt ti Spurs.
Inadal a naimbag ti liga ti nagbalin nga addang ti nasao a fan ken ti desisyon da ket saan pulosen a mapalubusan nga agbuya iti live ti NBA game ti nasao a fan, sadinno an nga NBA court.
Basar iti local law ti Texas, USA, maibilang kas maysa a krimen ti iseserrek iti restricted area ti maysa nga stadium kas ti basketball court.
Daytoy ket maibilang kas criminal trespass ken misdemeanor no sadinno a ti sentensya na ket umabot iti 180 nga aldaw a pannakaibalud.
