LAOAG CITY – Manarimaan ti panagsapul ti International Criminal Court (ICC) kadagiti paraprofessional interpreters ken associate court interpreters a tumulong a mangipatarus kadagiti testimonies dagiti saksi ken dadduma pay kas panagsagana iti pannakauig ni dati a Presidente Rodrigo Duterte inton Nobiembre daytoy a tawen.
Segun iti ICC, ti aplikasion ket para iti dua a fixed-term positions nga addaan kontrata agingga iti Disiembre 31 ita a tawen agingga iti Hulio 4.
Ti mapili ket agtalinaed idiay The Hague, Netherlands.
Karaman kadagiti obligasionda ti panagipatarus kadagiti pammaneknek dagiti saksi, panagadal kadagiti sasao, panagsagana para kadagiti interpretasion, ken panangpataud kadagiti glosario ti terminolohia.
Malaksid iti daytoy, masapul met ti nangato a tukad ti kinalaing iti Filipino ken/wenno Cebuano ken Ingles.
