LAOAG CITY – Umaboten iti 35 a tattao ti natay kalpasan ti idadayyeg ti magnitude 7.8 a gingined iti probinsya ti Sarangani.
Nangitunda pay ti napigsa a panagdayyeg ti nalawa a perdisyon dagiti pasdek, pannakasuspenso ti klase ken biyahe iti eroplano, ken temporaryo a pannakaisyu ti tsunami warnings iti nagduduma a pagilian, ngem iti saan a nagbayag ket inbabawi da met laeng.
Basar iti Office of Civil Defense, ti kaadoan ti natay ket manipod iti General Santos City nga addaan ti 10 biktima, idinto a 12 pay a sabsabali dagiti mapukpukaw.
Kaadoan kadagiti natay ket gapu iti panagtupak dagiti debris, pannakarpuug dagiti pasdek ken landslide.
