LAOAG CITY – Sinentensyaan ti korte ni dati a South Korean Presidente Yoon Suk Yeol ti sabali manen a 30 a tawen a pannakabalud gapu iti panangipatulod na ti drones iti North Korea.
Inpetteng dagiti prosecutors a ti panangibilin ni Yoon iti operasyon idi Oktubre 2024 ket tapno probokaren ti Pyongyang ken agaramid ti rason para iti napaay a panangideklarar na ti martial law iti maudi a paset ti nasao a tawen.
Maipalagip nga iti panangideklarar ni Yoon ti apagbiit a martial law idi Disyembre 2024 ket inkalintegan na a ti desisyon na ket tapno maprotehiran ti bukod da a pagilian.
Nupay kasta, iti saan a nagbayag ket nagbalin a nalawag a ti nangiduron ken ni Yoon ket gapu kadagiti domestic troubles ken inbabawi na ti pammilin na kabayatan dagiti nalawa a tignay protesta.
