LAOAG CITY – Pinatgan ti International Criminal Court (ICC) Trial Chamber III ti kiddaw ni dati a President Rodrigo Duterte nga iraman ti maysa nga indibidual, a ti identity na ket naikkat iti dokumento, iti listaan na ti non-privileged contacts.
Iti 11 a pinanid a dokumento a napetsaan ti Hunyo 11, inbilin ti Chamber iti Registry nga ipakaammo a dagus daytoy ti aniaman a nalabsing iti contact restrictions iti desisyon, kasta pay ti aniaman a napateg a developments.
Mainaig iti daytoy, inbilin pay ti chamber iti Registry nga inayun da ti naikkat iti listaan a nonprivileged contacts ti akusado iti babaen ti kondisyon a nailanad iti napalabas a desisyon.
Nailanad iti pagannurutan a ti nakabalud nga indibidual ket entitled a makaawat ti correspondence, mail ken packages, ken makisarita babaen ti surat wenno telepono iti pamilya na wenno dadduma pay nga indibidual ken karbengan na ti mabisita.
