LAOAG CITY – Inbatad ni Manila 3rd District Rep. Joel Chua nga ad-adalen ti House prosecution panel ti posible a mainayon a “high profile” witnesses iti impeachment trial ni Vice President Sara Duterte iti Senado.
Segun ken ni Chua, adda dagiti sumagmamano a personalidad nga ikonkonsiderar ti panel ngem saanda pay a nakasagana a mangubutaktak ti nagan dagitoy.
Immunan nga inbatad ni Batangas 2nd District Rep. Gerville “Jinky Bitrics” Luistro, ti lead prosecutor, nga addaan sumurok-kumurang ti 25 witnesses ti maad-adal para iti kaso.
Kuna ni Chua a kaadoan kadagiti agtestigo ket posible nga adda pakainaiganna ti isyu ti confidential funds ken unexplained wealth.
Innayonna a naikeddeng nga isubmitir ti prosecution panel ti pre-trial brief iti Hunio 15, kas panagsagana iti trial conference inton Hunyo 18 iti Senado.
