LAOAG CITY – Mangnamnama ti House prosecution panel a makaelektar ti Senado ti Presidente daytoy sakbay a mangrugi ti impeachment trial ken ni Vice President Sara Duterte inton Hulio 6.
Inbatad ni House lead prosecutor ken Batangas Representative Gerville Luistro a madandanagan ti grupoda a ti kinaawan ti duly elected Senate president ket usaren ti kampo ni Vice President Sara tapno kwestionaren manen iti Korte Suprema ti proseso ti impeachment.
Inlawlawagna a ti impeachment proceedings ket naiget a sensitibo ken nakalukat iti legal challenges isut gapuna a saandan a kayat a maulit ti napasamak iti impeachment case iti babaen ti 19th Congress nga indeklarar ti Korte Suprema nga adda ti panaglabsing iti Konstitusion.
Immunan nga inrakurak ni Luistro a bigbigbigenda ti liderato ni Senate President Pro Tempore Win Gatchalian ken bigbigenda ti asinoman a Senador a maelektaran kas Presidente ti Senado.
