LAOAG CITY – Nagtulag ti PhilHealth ken ti Healthway Medical Network (HMN), maysa a major healthcare provider iti panangpapigsa iti Universal Health Care (UHC) iti pagilian.
Inbatad ni Paolo Borromeo, President and CEO of AC Health (Ayala Healthcare Holdings Inc.), iti babaen ti nasao a partnership, al-alisto a maala dagiti pasiente ti PhilHealth benefits ken ti panag-avail dagiti nalaka nga agas.
Inpasigurado ni PhilHealth President and CEO Dr. Edwin Mercado a solsolbarendan dagiti problema iti sumagmamano a YAKAP clinics nangruna ket agtultuloy a manaynayonan ti bilang dagiti klinika.
Inbatad ni Dr. Valerie Gilbert Ulep, senior research fellow iti Philippine Institute for Development Studies (PIDS) a nasken a palawaen ti PhilHealth dagiti programada nupay dakkelen ti nagbalin a development daytoy iti panagtulong iti ad-adu a pasiente a Pilipino. Inpasigurado ti PhilHealth ti naiget a panangipatungpalda ti enhanced benefits para kadagiti Pilipino.
