LAOAG CITY – Natinnag ti maysa a Public Utility Vehicle (PUV) iti derraas gapu iti nakapuy a preno iti ili ti Pagudpud.
Ti driver ket agtawen ti 53 a residente ti Brgy. Pancian iti isu met laeng nga ili.
Segun ken ni P/Maj.Lester Dabbay, ti Chief of Police ti Philippine National Police (PNP) Pagudpud a ti PUV ket manipud iti Claveria a nagturong iti Laoag.
Basar ti imbestigasion, kunana a napansin ti driver a kimmapoy ti preno ti van isu ti gapu na a rimuar daytoy tapno kitaen.
Apaman a napan na kinita, innayad nga immatras iti van isu ti gapu na a naitapwak daytoy ti derraas.
Naamoan a ti derraas ket saan a nauneg isu ti gapu na nga awan ti naan-ano kadagiti pasaherosna.
Innayon pay ni Dabbay a 14 nga indibidual ti nakalugan iti nasao a van ket naiyaon met laeng daytoy iti las-ud ti maysa nga oras.
Kabayatanna, kunana a nagtuloy daytoy a nagturong iti Laoag ket saanen a kinasapulan ti maysa pay a lugan.
