LAOAG CITY – Inlawlawag ti aktres a ni Claudine Barretto a saan da a nagsinublianan iti dati a nobyo na a ni Milano Sanchez.
Inbatad ni Claudine nga awan ti kinapudno na daytoy, ngem kunana a nagtalinaed da nga agpagayam ken ni Milano.
Sungbat daytoy ni Claudine kalpasan nga adda dagiti sayangguseng a maipagarop a nagsinublianan da ken ni Milano kalpasan a kinablaawan na ti lalaki iti panagkasangay na.
Segun ken ni Claudine, nabiit laeng ti nagbalin a relasyon da ken ni Milano ken no panunuten ket arigna saan a maibilang a seryoso daytoy.
Ni Milano ket in-inaudi a kabsat ti veteran broadcaster a ni Korina Sanchez.
