LAOAG CITY – Inbatad ni Senador Panfilo Lacson nga inisyalen nga immanugot dagiti miembro ti Senate majority bloc nga ipatugaw ni Senador Francis “Chiz” Escudero kas presiding officer ti Senate impeachment court a mangusig iti kaso ni Vice President Sara Duterte.
Segun ken ni Lacson, ni Escudero ket maysa nga abogado ken addaan metten ti experience iti impeachment.
Maipalagip a siguden a nangidaulo ni Escudero iti impeachment court idi 2025 idi daytoy ket Senate President.
Nupay kasta, kuna ni Lacson a mabalin pay nga agbaliw ti plano.
Mainaig iti daytoy, naglikudan ni Lacson nga adda ti kasukat a katulagan ti possible a pannakadutuk ni Escudero, ken inpetteng na a ti saritaan ket tapno laeng mapagtalinaed a naurnus ti proseso ti impeachment court.
Kabayatanna, namnamaen nga agtataripnong ti impeachment court intono Hulyo 6, 2026, kabayatan nga adda ti naikeddeng a pre-trial conference intono Hunyo 18 a possible nga iserra iti publiko.
Ti impeachment case kontra iti Bise Presidente ket nakabasar kadagiti akusasyon a pakairaman ti panaglabsing iti Konstitusyon, graft and corruption, betrayal of public trust, panagpasuksuk ken dadduma pay a nadadagsen nga alegasyon.
