LAOAG CITY – Binabalaw ni House Trial Spokesperson ken Lanao del Sur Rep. Zia Alonto Adiong nga atiddog ngem ampaw wenno awan ti nagianna ti insubmitir a pre-trial brief iti Senate Impeachment Court ti defense team ni Vice President Sara Duterte.
Inbatadna a namnamaenda a naglaon daytoy dagiti ebidensia ken dagiti detalyado a sungbat ni VP Duterte kadagiti alegasion a nakaipalaon iti Articles of Impeachment.
Nupay kasta, nadismaya ni Adiong gapu ta adu kadagiti testigo ken dokumento nga inrekord ti depensa ket manipud met kadagiti ebidensia ken potensial dagiti testigo ti House Prosecution Panel.
Inpetteng ni Adiong a saan a kinnaadoan ti panid, testigo wenno dokumento ti pagrukodan ti depensa no diket no masungsungbatanna dagiti alegasion.
