LAOAG CITY – Naireklamo ti maysa a mangisururo iti maysa a pagadalan iti ili ti San Nicolas kalpasan nga in-bully na ti maysa nga estudiante na.
Inreklamo ni Mrs. Juliet Bonilla, ina ti estudiante ti mangisursuro iti maipagarup a panang-bully na ti anak na.
Kunana nga apaman a mapanna riingen ti anak na ket saan a bumangon daytoy ket ditoyen a nagistorya ti anakna.
Ginandat pay ti anakna ti nagbekkel gapu iti napasamak kadaytoy.
Segun kenkuana, inbatad ti mangisursuro nga agpid-pidot to latta ti aramid ti ubingen apaman a dumakkel daytoy nga inramanna pay nga in-bully ti pakasaritaan ti biag ti nasao nga ubing.
Naaramid ti panag-bully no sadinno a dingdinggen ti buo a klaseda.
Inadmitir pay ni Mrs. Bonilla nga adda ti panagluko ti anakna ngem saan a karebbengan ti mangisursuro a saritaen ti kabibiag ti maysa nga ubing.
Innayonna a namin-adon a gundaway nga in-bully ti mangisursuro ti ubing isu ti gapu na a kasapulan nga ikkan ti insigida a solusion daytoyen.
Kabayatanna, kunana nga agsasango danto iti Principal’s Office tapno solbaren ti nasao a problema ket kunana a ti maysa a mangisursuro ket isu kuma ti mangipaay ti inspirasion ngem daytoy met ti umuna a mangguyod pababa iti ubing.
