LAOAG CITY – Sagsaganaanen ti Senado ti logistics ken security para iti maiwayat nga impeachment trial ken ni Vice President Sara Duterte inton Hulio 6.
Inbatad ni Senate President Sherwin Gatchalian a saan met nga aggastos ti dakkel ti Senado iti iwayat a panangusig iti Bise Presidente gapu ta saane met nga aramiden daytoy iti sabali a lugar ken makitkitana laeng a nayon a gastos ken iti taraon ken seguridad.
Nupay kasta, maysa kadagiti makitkita a karit para iti Senado ket ti logistics gapu ta bassit ken limitado ti space iti Senado.
Inadmitir ni Gatchalian a narigat iti panagsagsagana iti logistics gapu ta ti kada prosecution ken defense panel ket agkasapulan kadagiti bukud a kuarto para kadagiti staff ken iti nayon a media nga ag-cover.
Kunana a maysa iti panangipasigurado ti seguridad iti kangrunaan a pakaseknan gapu ta iti babaen ti Konstitusion, nakalukat iti publiko ti panangusig ken daytoy ket maysa a security hazard a kasapulan a masaganaan.
Regular ti pannakikoordinar iti Senado kadagiti otoridad kas ti AFP, PNP, BFP, National Intelligence Coordinating Agency (NICA), MMDA ken iti LGU para iti panangipasigurado ti seguridad kabayatan nga umas-asideg ti impeachment trial.
