LAOAG CITY – Binabalaw ni Senador Alan Peter Cayetano kontra iti sumagmamano a miembro ti baro a Senate majority kalpasan nga inakusaranna dagitoy a maipagarup a “tuta” ti Malacañang.
Iti panagbitlana iti maysa a fellowship lunch, innaganan ni Cayetano da Senate Pro-Tempore Vicente ”Tito” Sotto III ken Sen. Raffy Tulfo kas dagiti maipagarup a “tuta” ni Presidente Ferdinand Marcos Jr. idinto a ni Sen. Erwin Tulfo ket maipagarup a “tuta” ni Lacson gapu kadagiti impormasion a maipagarup nga iggem ti dati a Senador kontra kenkuana ti “aso.”
Iti biang ni Lacson, inbatadna a maasian isuna ken ni Cayetano gapu kadagiti rakurak daytoy.
Kabayatanna, bwineltaan ni Sen. Tito Sotto no sadinno a kunana a saanen nga ikkan pay ti importansia dagiti rakurak ni Cayetano.
Maipalagip a namin-adu a daras nga inpetteng ni Cayetano nga adda ti papel ti Malacañang iti nagbalin a panagbalbaliw ti liderato ti Senado.
Idi Hunio 8, inlawlawagna a nagudua ti dua a grupo ti Senado, maysa ditoy ket suportado ti Palasyo.
Insingasingna idi ti maysa nga “interim administrative arrangement” kaduana ni Sen. Sherwin Gatchalian ngem nagkedkedan ni Gatchalian.
Ni Gatchalian ti naelektaran kas Senate President Pro Tempore idi Hunio 3 kalpasan a nagtaripnong dagiti Senador a dati a karaman iti minority bloc.
Idi Hunio 17, pormal a naalektaran isuna kas baro a Senate President, kasukat ni Cayetano nga isu ti naglippas iti riribok iti liderato ti Senado.
