LAOAG CITY – Inbutaktak ni dati a Senator Antonio Trillanes IV nga adda dagiti addang tapno malappedan ti impeachment trial kontra ken ni Vice President Sara Duterte.
Segun ken ni Trillanes, adda dagiti araramiden ti kapo ni VP Sara ken dagiti supporters-na tapno maitantan wenno lappedan ti panaggaraw ti impeachment trial.
Maysa kadagitoy nga addang ti pannakairuar ken panagtultuloy ti maipagarup a panagaramid dagiti 18 a dati a bodygurds ni Zaldy Co tapno maperdi dagiti personalidad nga mangidurduron iti impeachment complaint.
Karaman ditoyen ti sumagmamano a destabilization effort tapno malappedan ti nasao a trial.
Innayonna a kayat ti kampo ni VP Sara a ti trial ket makaaramid ti political outrage ken pumabor kenkuana ti ipinion ti publiko, ngem saan daytoy a mapaspasamak isu ti gapu na nga agaramid manen dagitoy ti sabali nga addang tapno malappedan daytoy.
Iti sabali a bangir, immunan nga inpakaammo ti defense teamn ni VP Sara a nakasaganada a sangoen ken sungbatan ti kaso iti impeachment court.
