LAOAG CITY – Umabot iti 15 a tattao ti natay kalpasan ti pannakauram ti maysa a pasdek iti ciudad ti Lucknow idiay India.
Basar iti report, ti nasao a pasdek ket addaan ti pet shop ken ti animation centre.
Inbatad dagiti testigo a nagtapwak dagiti tattao iti tawa ken nagusar da ti kable tapno makababa da ken masalbar ti biagda.
Maipalagip nga adon dagiti immuna a napaspasamak nga uram idiay India gapu iti saan a pannakasursurot a naimbag ti fire safety rules iti nadakamat a pagilian.
