LAOAG CITY –Nangrugin ti plano tapno maikabwit dagiti gasot a barko ken sumurok 11,000 a tripulante a na-stranded iti Gulf region kageddan ti pannakapasareng ti rinnupak ti Iran ken Estados Unidos.
Segun iti International Maritime Organization (IMO) ti United Nations, manarimaan ti pannakikoordinar da kadagiti barko tapno marugyan nga insigida ti natalged a panagdalyasat iti Strait of Hormuz.
Maiwayat ti operasion iti tulong ti Iran, Oman, Estados Unidos, ken nagduduma pay a kumpania.
Iti agdama, saan pay laeng a mausar ti Traffic Separation Scheme wenno ti kangrunaan a shipping route iti Strait of Hormuz no sadinno a temporarioda pay laeng a magna iti bangir a ruta.
