LAOAG CITY – Kumpiansa ni House prosecutor ken Bicol Saro Party-list Rep. Terry Ridon a malpas ti oras ti panagmarka dagiti ebidensia iti impeachment case kontra ken ni Vice President Sara Duterte sakbay ti naikeddeng a panangrugi ti panangusig inton Hulio 6.
Iti maikapat nga aldaw ti pre-trial proceedings iti Senado kas impeachment court, kuna ni Ridon nga immalisto ti proseso kalpasan a nanayonan dagiti evidence-marking stations a nagbalin a wagas iti ad-adda nga episiente a panagproseso dagiti dokumento ti prosekusion ken depensa.
Inlawlawagna a rinibribu a panid ti dokumento ti manarimaan a matingtingiting ken marmarkaan kas panagsagsagana iti panangusig.
Mangnamnama ti prosekusion a makumpleto ti panagmarka ti ebidensia ita nga aldaw ti Huebes ngem nakasagana daytoy nga agkiddaw ti nayon nga oras no kasapulan.
