LAOAG CITY –Inlawlawag ni Atty. Jason Perrera, konsehal ditoy siudad ti Laoag a kasapulan pay kuma ti naununeg a pannakatingitingna iti pundo a kidkiddawen ti Executive Branch a P20M.
Ti resolution a P20M ket gagem na ti pannakaisayangkat ti triathlon ditoy siudad no sadinno a one-day event laeng daytoy nga pakipasetan manipud kadagiti nagduduma a pagilian.
Kunana a ti nasao a resolusion ket nasertipikaran kas urgent no sadinno nga apaman nga maidasar daytoy ket saan met a masungbatan ti Executive Branch dagiti saludsod manipud kadagiti nagduduma a konsehal.
Ti rason no apay nga urgent ket gapu ta ti nasao nga aktibidad ket maisayangkat ita a tawen.
Segun kenkuana, saan da a kaya nga ilawlawag ti pagsayaatan a maipaay daytoy ken ti negatibo nga epektona iti nasao a siudad isu ti gapu na a nag-abstain daytoy.
Kinunana a 4 ti nag-abstain ken 7 ti pimmabor iti nasao a resolution isu ti gapu na a nangabak ti majority ken pannakaaprubar daytoy.
Mainaig iti daytoy, inadmitirna a napintas daytoy ngem kwinestionaranna no worth-it ti aktibidad gapu ta saan a kaya ti siudad nga ipaay dagiti kangrunaan a masapul wenno basic amenities.
Inpalagip pay ti konsehal a dua tawenen a napalabas idi adda ti inpilada a resolusion a gagem daytoy ti pannakaipatakder ti 50 hectares a Plaza no sadinno a nagkiddaw da met ti P30M para iti pannakaipasdekna.
Kunana a nasayaat kuma no ti P20M a kidkiddawen ti Executive Branch ket maitipon laengen iti P30M a kiddaw da para iti nasao a Plaza ngem kuna ti konsehal nga inabandonaren ti agdama nga administrasion iti siudad ti ilablabanda da resolusion.
Innayonna, kayatna a ti kuma kiddawda a P20M ket maigasto iti aktibidad a pakabenepisiaran ti amin wenno proyekto a maiyataday iti kasapulan ti publiko gapu ta agkurang iti pasilidad iti siudad ken ti panangpanunot ti maminado no kasano a busbosen ti kuarta dagiti tax payers.
Nupay kasta, inbatad ni Atyy, Perrera nga adu dagiti atleta ket mangnamnama daytoy nga ag-check-in da ken aggastos da iti siudad tapno makatulong kadagiti lokal a negosio.
