LAOAG CITY – Pormalen nga inleppas ti Senate Impeachment Court ti pre-trial conference mainaig iti impeachment trial ni Vice President Sara Duterte ita nga aldaw ti Huwebes, Hunyo 25, 2026.
Nagyaman ni Senate Secretary Renato Bantug Jr., a nagserbi metlaeng a clerk of court ti impeachment court, kadagiti miyembro ti prosecution ken defense teams gapu iti kooperasyon da a nagresulta iti alisto a pannakaileppas ti pre-trial conference iti uneg laeng ti lima nga aldaw.
Indaulwan ni Batangas Rep. Gerville Luistro ti prosecution panel manipod iti House of Representatives, idinto a ni Atty. Shiela Sison met ti nangidaulo iti depensa ni Vice President Duterte.
Agpada a dinayaw ti amin a partido a timmulong tapno mapaalisto ti proseso.
Karaman pay iti seremonya da Deputy Clerks of Court Atty. Marivic Laurel-Garcia ken Atty. Maria Valentina Cruz.
Ti panagleppas ti pre-trial conference ket nangilukat ti dalan para iti panangrugi ti aktwal a panangusig iti impeachment case kontra ken ni Vice President Duterte kadagiti sumarsaruno nga aldaw.
