LAOAG CITY – Balligi a naiyuswat ti Raibow Run ditoy siudad ti Laoag kas paset ti selebrasion ti Pride Month kadagiti miembro ti LGBTQA+ Community.
Daytoy ket iti babaen ti City Population Office ken ti pannakakimmayet ti LGBT Pilipinas-Laoag City ken nagduduma pay a grupo.
Mainaig iti daytoy, adda pay naipaay nga awards manipud iti City Government para kadagiti nagduduma a kategorya.
Adda pay ti naipaay a libre a nagduduma a serbision kas ti legal advice, libre a pukis ken masahe, service kadagiti aso ken pusa, HIV Testing, ken serbisio medikal ken dental para kadagiti nagatendar iti nasao nga aktibidad.
Kabayatanna, nagyaman ni Mayor James Bryan Alcid ti kontribusion ti LGBTQA+ Community iti panagprogreso ti siudad, ket inpanamnamana ti agtultuloy a suportana kadagiti programa ken adbokasia da.
