LAOAG CITY – Inkari ti House prosecution team a mangipilada ti natibker nga ebidensia iti impeachment trial kontra ken ni Vice President Sara Duterte a mangrugi inton Hulio 6.
Segun ken ni House prosecution legal spokesperson Atty. Benjamin Tolosa Jr., a nakapokusda iti pannakabukel ti “compelling case to the impeachment court and to the public backed by solid evidence.”
Inlawlawagna pay nga awan ti idurduronda a mapababa ti bilang ti kasapulan a butos tapno ma-impeach ti bise president.
Iti salinong ti Konstitusion, masapul ti 2/3 votes kadagiti main a 24 a senador tapno ma-impeach daytoy.
Nagpakita pay ti saritaan a pannakababa ti threshold gapu ta awan da Senador Ronald dela Rosa nga aglemlemmeng kalpasan ti ICC warrant kontra kenkuana, ken ni Senador Jinggoy Estrada, a nakabalod gapu iti kaso a plunder.
Nupay kasta, inbatad ni Tolosa a nakasaganada nga ilawlawag ti legal a posision no matalantan daytoy iti impeachment court.
