LAOAG CITY – Indauloan ni Honorable James Bryan Alcid, Mayor ti siudad ti laoag ti naisayangkat a panagmula ti agarup 200 a bukel ti niyog iti Barangay 61 Cataban iti siudad ti Laoag.
Segun ken ni Engr. Shiela Opelac, mangidadaulo ti City Agriculture Office iti nadakamat a siudad ket naisayangkat ti ganuat babaen ti panagtitinnulong dagiti nagbibinnulig a nagduduma a departamento iti siudad kas ti Office of the City Agriculturist (OCAG) Gledco Multipurpose Cooperative, Office of the City Environment and Natural resources (OCENRO), Cooperative Office ken ti Philippine Coconut Authority (PCA).
Innayonna pay a daytoy nga aktibidad ket para iti environmental stewardship, sustainable agriculture ken food security tapno mapasayaat ti panagbiag dagiti residente ti siudad.
Kabayatanna, inbatad ti City Agriculture Office a sisasaganada ti opisinada kadagiti amin a kooperatiba ditoy siudad nga agplanplano a mangiwayat ti kapadana daytoy nga aktibidad kas iti panagmula ken panagpabiag iti aglawlaw.
