LAOAG CITY – Balligi a naarestar dagiti otoridad ti maysa a wanted person a maibilang a Top 1 Municipal ken Top 3 Provincial level iti Barangay Valbuena iti ili ti Pinili.
Ti suspek ket maysa a lalaki, agtawen ti 47, ken residente ti Barangay Tartarabang iti ili ti Pinili.
Daytoy ket iti babaen ti naidasar a warrant of arrest nga inparuk-at ni Hon. Dinah Myrtle Morales Pacquing, Acting Presiding Judge, Family Court, First Judicial Region, Branch 6 iti siudad ti Batac gapu iti kaso nga Act of Lasciviousness.
Ti pannakaarestar ket iti babaen ti Philippine National Police (PNP) Pinili kas lead unit a pakairamanan ti Provincial Intelligence Unit (PIU) ken ti Ilocos Norte Police Provincial Office (INPPO).
Mainaig iti daytoy, narekomendaran ti pyansa a P180,000 para iti temporario a pannakawaya-wayana.
Kabayatanna, ti suspek ket agdama nga adda iti kustodiar ti Philippine National Police (PNP) iti ili ti Pinili.
