LAOAG CITY – Nagballaag Mrs. Mylene Pascual, mangidaulo iti City Environment and Natural Resources Office (CENRO) ditoy suidad kadagiti umili a saan nga agikali kadagiti maibilang a toxic a basura.
Kunana a no agikali ti maysa nga indibidual kas kuma kadagiti manteka, use oil ken dadduma pay no sadinno a dakkel iti posibilidadna a mapan kadagiti bubon, irrigasion, kanal, karayan a mabalin nga makaapektar iti tao ken iti coral reel ita a panawen ti panagtutudo.
Mainaig iti daytoy, kuna ni Pascual a kasapulan a masanay dagiti indibidual ti proper waste segregation tapno maliklikan iti pannaka pollute dagiti ikan wenno danum.
Kabayatanna, kunana pay rumbeng a liklikan ti panagpuor ti basura a makaapektar iti air quality gapu ta dakkel pay ti epektona ti salun-at ti maysa nga indibidual gapu ta malang-ab dagitoy ket mangitunda iti nagduduma a sakit.
