LAOAG CITY – Pormalen a nangrugi ita nga aldaw, Hulio 6, iti Senado ti panagtugawda kas impeachment court ti panaglitis kontra ken ni Vice President Sara Duterte.
Ni Duterte ti kaunaan nga bise presidente ditoy pagilian a makapadas a sumango ti impeachment trial.
Mainaig iti daytoy, sumangsango isuna ti uppat nga articles of impeachment no sadinno ket basar iti pagalagadan ti Senado ket no ti umuna pay laeng nga artikulo ket convicted daytoyen ket saanen nga ituloy ti panagbotos kadagiti dadduma pay a reklamo. No ma-convict ti maysa nga impeachment article ti maysa a sumangsango ti reklamo ket insigida a maikkat daytoy iti puesto.
Karaman kadagiti reklamo kontra ken ni Vice President Sara Duterte dagiti maipagarup saan nga umno a panagusarna ti confidential funds, saana a pananglawlawag ti kinabaknangna, alegasion ti panagbayadna ti tao tapno mapasamak dagiti personal a kumikomna ken ti maipagarup panagpangtana iti biag da Presidente Ferdinand Marcos Jr., First Lady Liza Araneta-Marcos ken ti dati a House Speaker Martin Romualdez.
Bayat iti daytoy, nangrugi ti panaglitis manipud ita nga aldaw agingga Mierkules.
Kabayatanna, basar iti presiding officer ti impeachment court a ni Senate President Sherwin Gatchalian ket ti umuna nga aldaw ket para kadagiti preliminary proceedings, karaman dagitoy dagiti panagited ti opening statements ti prosekusion ken ti depensa.
Maipalagip a saan daytoy ti umuna nga impeachment trial ditoy pagilian no sadinno ket idi tawen 2001, ni dati a Presidente Joseph “Erap” Estrada ket simmango ti panaglitis a rason ti pannakapasamak ti EDSA 2 kalpasan ti kontrobersial a panag-walkout dagiti prosecutor.
Idi met tawen 2012, naikkat iti puesto ni dati nga Chief Justice Renato Corona mainaig iti saanna indeklarar ti kompleto a SALNna.
