LAOAG CITY – Naglippasen ti maudi nga ay-ayam ni Cristiano Ronaldo iti FIFA World Cup kalpasan a naabak ti Portugal iti Spain, 1-0, iti Round of 16 a naisayangkat iti Arlington, Texas.
Ti maymaysa a goal ket manipud ken ni Mikel Merino iti umuna a minuto ti second-half stoppage time a nangipaay ti wagas iti Spain tapno makastrek iti quarterfinals ken naan-anay a nangpadisi iti kalaban manipud iti Iberian Peninsula.
Kalpasan ti pito a minuto, saan a nalappedan ni Ronaldo ti emosion ken napalua kabayatan ti panangpalakpak dagiti supporters iti uneg ti AT&T Stadium.
Iti tawen nga 41, naglippas ti FIFA World Cup career-na nga adda ti pakabuklan a 27 appearances, maikadua iti kaadoan iti pakasaritaan, sumaruno ni Lionel Messi.
Nupay kasta, nagtalinaed a kurang iti koleksionna ti prestihioso a tropeo iti benneg ti football.
