LAOAG CITY – Pinalubosan nga agpiyansa ti Regional Trial Court iti Lapu-Lapu City, Cebu ti P1 milyon ti kontrobersial a kontraktor a ni Sarah Discaya iti kaso a malversation ken pananglabsing iti anti-graft law mainaig ti maipagarup a ghost project iti Davao Occidental.
Napalubosan pay nga agpiyansa ti P300,000 ni Czar Ryan Ubungen, finance officer ti DPWH-Davao Occidental.
Segun iti korte, kurang pay ti ebidensia ti prosekusion tapno mapaneknekan nga adda pakainaigan ni Discaya iti panangpeke kadagiti sokumento wenno pannakikadwa iti nagduduma pay nga akusado.
Inbatad met ti maysa a testigo ti prosekusion nga awan ti pakainaiganna iti maipagarup a partisipasion ni Discaya iti proyekto.
