LAOAG CITY – Nangitunda ti apagapaman a pannakaulaw iti biang ti maysa nga opisyal ti National Bureau of Investigation (NBI) ti panagsaludsud ni Senator-Judge Robin Padilla mainaig iti pakabigbigan ti indibidwal a nangirekord iti video ni Vice President Sara Duterte.
Iti panagdengngeg, kiniddaw ni Padilla ti testimonya ti maipagarop nga indibidual nga adda iti likudan ti pannakairekord ti nasao a video tapno matingiting ken ma-validate no kasanu ti kinapudno na ti iggem da a video material.
Gapu iti daytoy, adda ti pannakaulaw ti testigo a ni National Bureau of Investigation Agent Mark Calilung.
Rumrumuar a ni Calilung ti mismo a nagaramid ti screen record iti video usar ti maysa nga application kas paset iti imbestigasyon da.
Nupay kasta, nailawlawag iti panagdengngeg a ti aktwal a dakdakamaten ken birbiruken ni Padilla ket ti saan a nangirekord, no di ket ti mismo a nangala wenno nangi-film iti orihinal a video ni Vice Presidente Sara Duterte tapno masigurado ti kredibilidad ti ebidensya.
