LAOAG CITY – Inbatad ti Philippine Statistics Authority (PSA) a basar iti Labor Force Survey (LFS) a ngimmato ti bilang dagiti Filipino nga awan trabahona idi Mayo 2026 mainaig iti panagado dagiti indibidual nga agkalikagum a makasapol ti trabaho.
Basar iti press briefing idi kalman, inpetteng ni National Statistician ken Philippine Statistics Authority (PSA) chief Claire Dennis Mapa nga idi bulan ti Mayo, 2.50 million nga indibidual ditoy pagilian nga agtawen 15 agpangato ket awan pagsapolanna wenno source of incomena, idintu a 2.41 million met ti awanan trabaho idi Abril.
Mainaig iti daytoy, kadagiti 52.13 a milyon nga indibidual nga adda iti labor force wenno dagiti adda trabahona ken aktibo nga agbirbirok ti trabaho ket 4.8% kadakuada ti awan iti trabaho.
