LAOAG CITY – Nakastreken iti semifinals ti FIFA World Cup ti Spain kalpasan nga inabakna ti Belgium iti score a 2-1 iti maysa a naiget a quarterfinal match a naisayangkat iti Los Angeles Stadium.
Umuna a nakapuntos ti Spain iti maika-30 a minuto ti 1st half iti babaen ni Fabian Ruiz a nangipaay ti 1-0 a lamang iti grupoda.
Nupay kasta, nakasubbot ti Belgium kalpasan ti first half idi naiserrek ni Charles De Ketelaere ti maysa nga header iti maika-41 a minuto manipud iti assist ni Timothy Castagne tapno maitabla ti score iti 1-1.
Naglippas ti 1st half a tabla ti dua a koponan iti baet ti dominasion ti Spain iti ball possession ken dagiti goal attacks.
Iti maika-2nd half ti ay-ayam, nagtultuloy a nagbirok ti gundaway ti Spain idinto a ginandat met ti Belgium a lappedan ti opensiba.
Naammoan nga idi arig agtennag iti extra time ti laban, nairekord ni Mikel Merino ti panangabak a goal iti maika-88 a minuto kalpasan a naiserrek ti bola manipud iti net ken ingato iti 2-1 ti score a pabor iti Spain.
Gapu iti panagballigi, siguradon ti Spain ti puesto iti semifinals ti torneo idinto a naglippas ti kampania ti Belgium iti quarterfinal round.
