LAOAG CITY – Pinalubosan ti Philippine National Police General Hospital (PNPGH) ni Senador Rodante Marcoleta ti kiddawna a maaddaan ti dua a bisita basar iti Philippine National Police Criminal Investigation and Detection Group (CIDG).
Segun ken ni Col. John Guiagui, Criminal Investigation and Detection Group (CIDG) Metro Manila unit director, kiniddaw ni Marcoleta a mabisita isuna da Vice President Sara Duterte ken Sen. Robinhood “Robin” Padilla malaksid iti legal counsel-na.
Maipalagip a manarimaan a naka-confine ti Senador manipud iti pannakaarestarna idi Hulio 6.
Kabayatanna, naiget a sursuroten ti Criminal Investigation and Detection Group (CIDG) ti visitation procedure ken palubosan laeng ti dua kas panangrespetar ti kiddaw ni Marcoleta ken ti pammalubos met ni Criminal Investigation and Detection Group (CIDG) Director Police Major General Robert Alexander Morico II.
Mainaig iti medical condition ni Marcoleta, kwinestionaran ti Sandiganbayan ti Philippine National Police General Hospital ti pammalubosda dagiti bisita kabayatan a naka-confine ti Senador gapu iti mild pneumonia.
