LAOAG CITY – Inrakurak ti Malakanyang nga agturong idiay Singapore ni Presidente Ferdinand Marcos Jr. para iti 3 -day working visit kadwa na ni First Lady Liza Marcos.
Inbatad ni Presidential Communications Office (PCO) Undersecretary ken Palace Press Officer Claire Castro a ti iskedyul ti presidente iti biyahe na ket manipod Hulyo 14 agingga iti Hulyo 16.
Agbalin a paset iti biyahe ti presidente ti panangilungalong na ti nataltalged a bilateral relations ti Pilipinas ken ti Singapore a sumaruno nga ASEAN Chair.
Mainaig iti daytoy, karaman iti itinerary ti Chief Executive ti panagcourtesy call na ken ni Singapore Prime Minister Lawrence Wong no sadinno a ditoy a pagsaritaan da ti kooperasyon iti benneg ti trade and investment, environment and health ken ti regional and global development.
Addan met ti partisipasyon ni Presidente Marcos Jr. iti round table discussion kadwa na dagiti business leaders.
Kabayatanna, iti taripnong ni Presidente Mrcos Jr. iti lider dagiti negosyante iti Singapore ket maisayangkat iti sumaruno a panangbigbig iti Pilipinas kas Upper Middle income country.
