LAOAG CITY – Nangiparuk-at ti warrant of arrest ti Makati City Regional Trial Court Branch 148 kontra ken ni Atty. Levito Baligod para iti kaso na a dua a bilang ti cyberlibel.
Namonganay daytoy iti inpila a reklamo ni Agriculture Sec. Francisco Tiu Laurel Jr. nga inakusaran na a nagawat ti kickback iti maanomalya a flood control projects.
Mainaig iti daytoy, pagbaybayaden ti korte ni Baligod ti P20,000 a piyansa para iti kada bilang ti cyber libel.
Inbilin pay dagiti otoridad a suruten dagiti pagannurutan ti Korte Suprema iti panagusar ti body-worn cameras wenno dadduma pay a recording devices kabayatan ti panangarestar iti abugado.
Kinumpirmaran met ni Atty. Baligod a naawat nan ti kopya ti warrant of arrest.
