LAOAG CITY – Naisyuan ti arrest warrant ni Atty. Levito Baligod, abugado ti 18 a dati a bodyguards ni dati nga Ako Bicol Party-list Representative Zaldy Co.
Kinumpiraran ni Atty. Baligod iti Facebook account-na nga inisyuan isuna ti warrant ti Makati Regional Trial Court Branch 148 idi Hunio 15, ngem idi Lunes na laeng a naawat daytoy.
Iti agdama, sumangsango ni Baligod ti dua a reklamo ti cyber libel nga inpila ni Department of Agriculture Secretary Francisco Laurel Jr.
Kas sungbat, inakusaran met ti abogado ti kampo ni Department of Agriculture chief mainaig iti saan nga umno a lugar a nangipawitanda ti warrant a rason ti saanna nga insigida a naawat ti subpoena ken counter-affidavit.
Nangrugi ti reklamo iti rakurak ni Baligod a maipagarup panangipawit dagiti 18 a dati a bodyguards ni Co ti minaleta a kuarta iti pagtaengan dagiti sumagmamano nga opisial ti gobierno a pakairamanan ni Sec. Laurel, nga insigida met a naglikudan ti Secretario ti nadakamat nga alegasion.
