LAOAG CITY – Inbatad ni Atty. Levito Baligod a nakaawat daytoy ti warrant of arrest mainaig ti dua a bilang ti cyberlibel.
Segun ken Baligod, saan a naipaayan ti tsansa nga agisubmitir ti counter-affidavit gapu iti maipagarup a saan nga umno nga address a naipan ti reklamo iti kaso.
Kunana a dagiti sabali pay a nangipila ti libel cases ket addaan ti umno nga address ngem daytoy a kaso laeng ti saan nga umno ti address-na tapno saan a makapagsungbat iti reklamo.
Basar iti dokumento nga inparuk-at ti Regional Trial Court Brancgh 148 iti Makati, ti piyansa ket Php20,000 ti tunggal cyberlibel.
Ni Baligod ti abogado dagiti lallaki a nagpaamammo kas dati a bodyguards ni dati nga Ako Bicol party-list Rep. Zaldy Co a nangibatad a nangipatulodda ti maleta a kuarta iti sumagmamano nga gapampanday linteg kas kickback manipud kadagiti proyekto iti flood control.
