LAOAG CITY – Mangiparuk-at ti desisyon ti Impeachment Court intono Lunes, Hulyo 20, mainaig iti kiddaw ti House prosecution panel nga i-subpoena ti tax, bank, ken Anti-Money Laundering Council (AMLC) records ni Vice President Sara Duterte ken ti asawa na a ni Atty. Mans Carpio.
Ti agbalin a desisyon ket kalpasan ti naisayangkat a caucus dagiti senator-judge idi miyerkules ti malem.
Segun ken ni Presiding Officer Francis ”Chiz” Escudero, nagtutulag dagiti senador nga ikkan ti umdas a panawen ti tunggal maysa tapno adalen dagiti “complicated issues” nga adda ti pakainaigan ti pannakaiparuk-at ti subpoena.
