LAOAG CITY – Naikeddeng nga agsango ti Spain ken Argentina iti final ti FIFA World Cup 2026 a maisayangkat iti New York/New Jersey Stadium inton Hulio 19.
Ti laban ket manamnama nga agbalin a naisangsangayan gapu ta daytoy ti umuna a gundaway nga agbinnalubal ti dua a powerhouse ti football iti maysa a FIFA World Cup final.
Daytoy ket kalpasan nga inabak ti Spain ti France iti semifinals, inpakita ti koponan ti natibkerda a depensa ken kontrol iti midfield nga indauloan ni Lamine Yamal.
Mainaig iti daytoy, balligi a nakastrek ti Argentina kalpasan ti dramatiko a panangabak kontra iti England nga inpakita manen ni Lionel Messi ti kinalaingna iti maudi a tukad ti ay-ayam.
Ti laban ket manamnama nga agbalin a naiget: ni Messi, nga adda iti maikatlo a FIFA World Cup final kontra ken ni Yamal, ti baro a rupa ti Spanish football.
Malaksid iti daytoy, adda ti nayon nga interes ti laban gapu ta saan a natuloy ti nasken a panaglabanda iti Finalissima 2024 isut gapuna nga ita laeng nga agsangoda iti kadakkelan nga entablado ti football.
Para iti Spain, daytoy ti maikadua a gundaway a magun-od ti maikadua a titulo kalpasan ti panagballigi idi 2010 idinto ti Argentina ket gagemna a maiyawid ti maikapat a FIFA World Cup trophy.
Ti laban ket manamnama nga agbalin a maysa kadagiti kadakkelan a laban iti pakasaritaan ti ay-ayam no sadinno ti intero a lubong ket nakatutok no asino ti agari iti football ita a 2026.
