LAOAG CITY – Umabot iti 11 a tattao ti natay iti pannakauram ti foster care facility iti ciudad ti Algiers a kabisera ti Algeria.
Segun iti Algeria Civil Protection Department, malaksid kadagiti natay ket adda pay ti 19 a sabsabali dagiti nasugatan iti napasamak nga uram.
Saanen a nangipaay dagiti otoridad iti dadduma a detalye mainaig iti namonganayan ti uram, ken no mano ti tawtawen dagiti biktima.
Mainaig iti daytoy, adda ti 10 a fire engines ken 16 nga ambulansya ti naideploy iti pasilidad iti Mohammadia, ti eastern suburb ti Algiers.
Naamoan a ti Algeria ket addan ti sumagmamano nga aldaw a makapaspasar ti heatwave ken agarop sangaribon nga uram, ti nairekord iti nadakamat a pagilian.
Indanun a dagus ni Algerian President Abdelmadjid Tebboune ti pannakipagladingit na iti pamilya dagiti biktimaken inawagan na ti insidente kas “tragic loss”.
Nagturong met ni Prime Minister Sifi Ghrieb ti dua nga ospital iti ciudad ti Algiers tapno bisitaen dagiti nasugatan iti napasamak nga uram.
