LAOAG CITY –Inlawlawag ni Mayor James Bryan Alcid ti rason a saan a naaprobaran ti NAMCO wenno ti maysa nga akin kukua a ni Bokal Johanson Chua ti bidding ti panaggatang ti 80 nga FB Van ditoy siudad ti Laoag.
Kuna ti Mayor a daytoy ket gapu iti conflict of interests no sadinno a maysa a linteg ti mangipawil kadagiti opisial ti gobiero a makiraman kadagiti bidding a maiyususwat iti gobierno.
Inbatad ni Alcid nga daytoy ket negosio ti pamilia ti nasao a Bokal ken saan a mabalin a makiraman iti bidding gapu ta agtennag a conflict of interests daytoy.
Segun kenkuana, no mapili ti NAMCO ket umno a makatipid ti agarup P7M ti lokal a gobierno ngem saanda a kuwalipikado gapu ta saan a nalukatan ti bid dagitoy.
Mainaig iti daytoy, saan a garantisado wenno maipasigurado no adda kinagpaysuanan ti inbatadda.
Innayon pay ni Alcid a ti surat a naipatulod iti Bids and Awards Committee manipud ti NAMCO ket maibilang kas ‘malicious’ gapu ta dagiti kameng ti konseho ti sinuratanda imbes kuma a motion for reconsideration.
Maipalagip nga adda ti panagkwestionar ti nasao a Bokal iti babaen ti naipatulod a surat gapu ta saan a napili daytoy ngem basar iti Bids and Awards Committeenadiskualipikar ti NAMCO North Alliance Corporation iti technical eligibility basar iti sumagmamano a grounds kas ti saan a panangideklarar ti nasao a korporasion iti pakabuklan a listaan dagiti owner ken shareholders ti NAMCO kas nakailanad iti Section 81 ti Republic Act No. 12009 ken dadduma pay.
