LAOAG CITY – Agsublin iti panagay-ayam ni World No. 3 Carlos Alcaraz inton sumaruno a bulan.
Karaman ti nagan ni Alcaraz iti entry list ti Cincinnati Open a naikeddeng a mangrugi inton bulan ti Agosto.
Daytoy ti umuna a laban ti Spanish tennis star sipud idi nasugatan daytoy idi Abril 2026 kabayatan nga agay-ayam iti umuna a round ti Barcelona Open.
Gapu iti nasao nga injury, saan a nakaay-ayam ni Alcaraz kadagiti dadakkel a torneo idiay Madrid, Rome pakairamanan iti Roland Garros no sadinno nga isuna ti defending two-time champion.
Saan pay a nakaay-ayam isuna iti Wimbledon Open no sadinno a ti kalabanna a ni Jannik Sinner ket napadayawan kas champion iti maikadua a nagsaruno a tawen.
Agserbi a warmup para ken ni Alcaraz ti Cincinnati Open sakbay ti manamnama a panagay-ayam iti US Open tapno depensaan ti trophy-na.
Iggem ti Spanish tennis player ti pito a Grand Slam title iti Australian Oen, French Open, Wimbledon ken US Open.
