LAOAG CITY – Inpakaammo ti maysa a Private Lawyer a ni Atty. Kidd Castro, Criminal Law Professor ti Northwestern University nga awan pay ti desision ti korte a saan nga otomatiko nga agsardeng ti impeachment trial no ag-resign ti maysa nga impeachable official.
Daytoy ket kalpasan nga inrakurak ni House Prosecutor Rep. Gerville Luistro a saan nga otomatiko nga agsardeng ti panangusig ken ni Vice President Sara Duterte no bilang ag-resign daytoy iti puesto.
Segun ken ni Atty. Castro, gagem ti impeachment a patawan ti opisial ti perpetual disqualification manipud iti public office.
Gapu iti daytoy, itultuloy latta daytoy ti Senado tapno madesisionan no disqualified isuna nga agiggem ti posision iti gobierno.
Mainaig iti daytoy, adda ti sumagmamano nga opinyon a ti panagikkat iti puesto ti Bise Presidente ket agbalin a rason tapno agbalin a moot and academic ti kaso.
Kabayatanna, ti gagem ti reklamo nga impeachment ket mapadisi isuna kas Bise Presidente, ti mismo a panagikkatna iti puesto ket mabalin nga agresulta iti pannakaibasura ti kaso iti Senado.
