LAOAG CITY – Inpasigurado ni Ombudsman Jesus Crispin Remulla nga agtultuloy latta ti kaso kontra kada Senador Joel Villanueva ken Sen. Francis Escudero.
Daytoy ket iti baet dagiti alegasyon a makaapektar kadagiti kaso ti iyaakar dagiti dua a senador iti agdama a mayorya ti Senado.
Maipalagip nga inakusaran ni Villanueva ni dati a Department of Public Works and Highways Bulacan First District engineer Henry Alcantara a nagawat ti maipagarop a P150 milyon a kickback para iti multi-purpose building project iti probinsiya.
Nupay kasta, naiget a naglikudan ni Senador Villanueva ti nasao nga akusasyon.
Naakusaran met ni Escudero a nakaawat ti maipagarop a kickbacks manipod iti flood control projects, banag a naglikudan met ti nasao a senador.
Kabayatanna, naglikudan ni Ombudsman Remulla dagiti panagamak a maipagarop a punpuntiryaen ti anti-graft body ti baro a minorya ti Senado.
Kuna ni Remulla, awan ti kinapudno daytoy gapu ta no malagip ket kaadoan kadagiti nakabaluden ket dagiti kaalyado da.
